Вчера во Ист Гејт Мол и официјално отпочна продажбата на два нови производи од брендот за медицинска козметика Institute. Нашиот бренд за медицинска козметика Институт, како еден од 9 стартап херои подржани од Фонд за иновации и технолошки развој беше дел од промоцијата која се одржа во TINEX маркетот во склоп на East Gate Mall (Ист Гејт Мол). Во присуство на директорот на Фондот за иновации, заменикот Амбасадор на Швајцарија, претставници на останатите компании стартап херои и новинарите, отпочна и официјално промоцијата и продажбата на сите производи од овој проект. За нив е резервирана посебна полица со цел поттикнување на домашните производи.
Имено, двата најнови производи крем за раце и крем за лице од вчера се достапни во поголемите Тинекс маркети. Станува збор за висококвалитени производи без бои, конзерванси и мириси погодни за сите возрасти. Кремот за раце содржи ксилитол и глицерол чија функција е да ја одржува влажноста и мекоста на кожата. Додека пак, кремот за лице со бадемово масло и овес е наменет за сува и осетлива кожа. Тој ја смирува кожата и ја хидрира одржувајќи ја нејзината бариерна функција.
Ви пренесуваме дел од атмосферата и им посакуваме среќен и успешен почеток.
